കൂടുതല്‍ വാര്‍ത്തകളും അറിയിപ്പുകളും തത്സമയം അറിയുന്നതിനായി പോപ്പുലര്‍ ന്യൂസ് വാട്ട്‌സാപ്പ് ഗ്രൂപ്പില്‍ അംഗമാകൂ.. Click Here
സംഭവം നടന്നത് മഹാരാഷ്ട്രയിലെ മൂർതിസാപൂരിലാണ്
കല്യാണം ഉറപ്പിച്ചതിന് ശേഷം പല കാരണങ്ങൾ കൊണ്ട് വിവാഹം മുടങ്ങുന്ന വാർത്തകൾ കേൾക്കുന്നതാണ്. എന്നാൽ സിബിൽ സ്കോർ കുറവ് കാരണം ഒരു വിവാഹം മുടങ്ങുകയെന്നത് വിശ്വസിക്കാൻ കുറച്ച് ബുദ്ധിമുട്ടുളളതാണ്. എന്നാൽ സംഭവം നടന്നത് മഹാരാഷ്ട്രയിലെ മൂർതിസാപൂരിലാണ്. വധുവിനും വരനും കുടുംബത്തിനും എല്ലാം പരസ്പരം ഇഷ്ടപ്പെട്ട് വിവാഹം ഉറപ്പിച്ചതിന് ശേഷമായിരുന്നു വധുവിന്‍റെ അമ്മാവന് വരന്‍റെ സിബിൽ സ്കോറിന്‍റെ പറ്റിയുളള ചിന്ത വന്നത്.
എന്നാൽ സിബിൽ സ്കോർ പരിശോധിച്ചപ്പോൾ വരന് വളരെ കുറവായിരുന്നു. മാത്രമല്ല വരന്‍റെ പേരിൽ നിരവധി ബാങ്കുകളിൽ ഒന്നിലധികം വായ്പകളും ഉണ്ടായിരുന്നു. വരൻ സാമ്പത്തികമായി അത്ര ഭേദപ്പെട്ട നിലയിൽ അല്ല ജീവിക്കുന്നതെന്ന് ഇതോടെ വധുവിന്‍റെ വീട്ടുകാർക്ക് മനസിലായി.
ഇതോടെയാണ് വധുവിന്‍റെ വീട്ടുകാർ കല്യാണത്തിൽ നിന്നും പിൻമാറിയത്. വിവാഹത്തെ പൂർണമായും എതിർത്ത വധുവിന്‍റെ അമ്മാവൻ സാമ്പത്തിക ബുദ്ധിമുട്ടുകളാൽ വലയുന്ന പുരുഷൻ തന്‍റെ അനന്തരവൾക്ക് അനുയോജ്യനല്ലെന്നും ഭാവിയിൽ തന്‍റെ അനന്തരവൾക്ക് സാമ്പത്തിക സുരക്ഷ ഉറപ്പാക്കാൻ അയാൾക്ക് കഴിയില്ലെന്നും അദ്ദേഹം പറഞ്ഞു.
അതോടെ യുവതിയുടെ കുടുംബത്തിലെ മറ്റ് അംഗങ്ങളും ആ അഭിപ്രായം അംഗീകരിച്ച് വിവാഹത്തിൽ നിന്നും പിന്മാറുകയായിരുന്നു
