കോഴിക്കോട്: സംസ്ഥാനത്ത് വീണ്ടും നിപ വൈറസ് ബാധയെന്ന ആശങ്ക. കോഴിക്കോട് സ്വകാര്യ ആശുപത്രിയില് ചികിത്സയില് കഴിയുന്ന മലപ്പുറം പെരിന്തല്മണ്ണ സ്വദേശിയായ 14 കാരനാണ് നിപ സംശയം. വൈറസ് ബാധയുടെ ലക്ഷണം കണ്ടതിനെ തുടര്ന്ന് കുട്ടിയെ ഇന്നലെ പെരിന്തല്മണ്ണയിലെ സ്വകാര്യ ആശുപത്രിയില് നിന്ന് കോഴിക്കോടേക്ക് മാറ്റുകയായിരുന്നു.
നിലവില് കുട്ടിയുടെ ആരോഗ്യനില തൃപ്തികരമാണെന്ന് ഡോക്ടര്മാര് പറയുന്നു. കുട്ടിയുടെ സ്രവ സാംപിള് ഇന്ന് പുണെയിലെ നാഷണല് ഇന്സ്റ്റിറ്റ്യൂട്ട് ഓഫ് വൈറോളജിയിലേക്ക് പരിശോധനയ്ക്ക് അയക്കും.
അതേസമയം നിപ പ്രോട്ടോകോള് പാലിക്കാന് ആരോഗ്യവകുപ്പ് നിര്ദേശം നല്കി. നിപ ബാധ എന്ന സംശയിക്കുന്ന സ്ഥലത്ത് ജാഗ്രത പാലിക്കാന് ആരോഗ്യ മന്ത്രി വീണ ജോര്ജ് നിര്ദേശം നല്കിയതായി മന്ത്രിയുടെ ഓഫിസ്
