കോഴിക്കോട്: കാറിലെത്തിയ സംഘം തട്ടിക്കൊണ്ടുപോകാൻ ശ്രമിക്കുന്നതിനിടെ സംഘത്തിലൊരാളുടെ കയ്യിൽ കടിച്ച് ഓടി പതിനൊന്നുകാരി രക്ഷപ്പെട്ടു. ഈസ്റ്റ് കുടിൽതോട് വൃന്ദാവൻ റോഡിൽ ഇന്നലെ വൈകിട്ട് അഞ്ചോടെയാണ് സംഭവം. ട്യൂഷന് പോകാനിറങ്ങിയതായിരുന്നു പെൺകുട്ടി.
കൂടുതല്‍ വാര്‍ത്തകളും അറിയിപ്പുകളും തത്സമയം അറിയുന്നതിനായി പോപ്പുലര്‍ ന്യൂസ് വാട്ട്‌സാപ്പ് ഗ്രൂപ്പില്‍ അംഗമാകൂ.. Click Here
റോഡിൽ വീതി കൂടിയ ഭാഗത്ത് നിർത്തിയ കാറിൽ നിന്ന് ഒരാൾ പുറത്തിറങ്ങി നിൽക്കുകയും മറ്റൊരാൾ പിറകിലൂടെ വന്ന് കൈപിടിച്ച് ബലമായി കാറിൽ കയറ്റാൻ ശ്രമിക്കുകയുമായിരുന്നു. കുട്ടി അയാളുടെ കയ്യിൽ കടിച്ച് ഓടി രക്ഷപ്പെട്ട് അടുത്ത വീട്ടിൽ പോയി വിവരം അറിയിച്ചു. ഇതോടെ, സംഘം പെട്ടെന്ന് കാറിൽ കടന്നു. പെൺകുട്ടിയുടെ പിതാവിന്റെ പരാതിയിൽ ചേവായൂർ പൊലീസ് കേസെടുത്തു.
