അബദ്ധത്തിൽ ആസിഡ് കുടിച്ചു; 5 വയസുകാരൻ ഗുരുതരാവസ്ഥയിൽ കുട്ടിയെ തൃശൂർ മെഡിക്കൽ കോളെജിലേക്ക് മാറ്റി
-
Admin 1 / 7 months
- 0
- 0 min read
പാലക്കാട്: വീട്ടിൽ സൂക്ഷിച്ചിരുന്ന ആസിഡ് അബദ്ധത്തിൽ കുടിച്ച അഞ്ചുവയസുകാരൻ ഗുരുതരാവസ്ഥയിൽ. കല്ലടിക്കോട് ചൂരക്കോട് സ്വദേശി ജംഷാദിന്റെ മകൻ ഫൈസാൻ (5) ആണു ആസിഡ് കുടിച്ചത്. ശരീരത്തിലുള്ള അരിമ്പാറക്ക് ചികിത്സ നടത്താൻ വേണ്ടി വീട്ടിൽ കൊണ്ടുവന്ന ആസിഡാണ് കുട്ടി ആരും കാണാതെ എടുത്ത് കുടിച്ചത്. കുട്ടിയെ ഉടൻ തന്നെ പാലക്കാട്ടെ സ്വകാര്യ ആശുപത്രിയിലെത്തിച്ചെങ്കിലും പരുക്കുകൾ ഗുരുതരമായതിനാൽ പിന്നീട് തൃശൂർ മെഡിക്കൽ കോളെജിലേക്ക് മാറ്റുകയായിരുന്നു. കുട്ടിയുടെ വായിലും ചുണ്ടിലും ഗുരുതരമായി പൊള്ളലേറ്റതായാണ് ആശുപത്രി അധികൃതരുടെ അറിയിക്കുന്നത്.
