ജിദ്ദ: സൗദിയിൽ ഇന്നു മുതൽ വാട്സ് ആപ്പ് വോയ്സ്, വീഡിയോ കോൾ ഫീച്ചർ ലഭിക്കാൻ തുടങ്ങിയതായി സാങ്കേതിക വിദഗ്ധർ. ഇക്കാര്യത്തിൽ ഇതുവരെ ഔദ്യോഗിക പ്രഖ്യാപനം പുറത്തുവന്നിട്ടില്ല. സൗദിയിൽ വാട്സ് ആപ്പിൽ വോയ്സ്, വീഡിയോ കോൾ ഫീച്ചർ തിരികെ വന്നതായി സാങ്കേതിക വിദഗ്ധർ പറഞ്ഞു. രാജ്യത്ത് ഡിജിറ്റൽ ഇൻഫ്രാസ്ട്രക്ചറിൻ്റെ വികസനത്തെ പ്രതിഫലിപ്പിക്കുന്ന വോയ്സ്, വീഡിയോ കോളുകൾ വഴി ഉപയോക്താക്കൾക്ക് കൂടുതൽ എളുപ്പത്തിൽ ആശയവിനിമയം നടത്താൻ അനുവദിക്കുന്ന ആശയവിനിമയ, വിവര സാങ്കേതിക സേവനങ്ങൾ മെച്ചപ്പെടുത്താനുള്ള ശ്രമങ്ങളുടെ ഭാഗമായാണ് ഈ ചുവടുവെപ്പെന്ന് സാങ്കേതിക വിദഗ്ധൻ അബ്ദുല്ല അൽസുബൈഇ പറഞ്ഞു.
ലോകത്തിലെ ഏറ്റവും ജനപ്രിയമായ ആശയവിനിമയ ആപ്ലിക്കേഷനുകളിൽ ഒന്നാണ് വാട്സ് ആപ്പ്. കോടിക്കണക്കിന് ആളുകൾ ദിവസവും ഇത് ടെക്സ്റ്റ്, വോയ്സ്, വീഡിയോ സംഭാഷണങ്ങൾക്കായി ഉപയോഗിക്കുന്നു.
വാട്സ് ആപ്പ് വോയ്സ്, വീഡിയോ കോൾ സേവനം സൗദിയിൽ സജീവമാക്കുന്നത് ഉപയോക്താക്കളുടെ ആശയവിനിമയ അനുഭവം
മെച്ചപ്പെടുത്താനുള്ള ഒരു നല്ല ചുവടുവെപ്പായി കണക്കാക്കപ്പെടുന്നു. വാട്സ് ആപ്പ് വോയ്സ്, വീഡിയോ കോൾ സേവനം സൗദിയിൽ നിലവിൽവരുന്നത് ദശലക്ഷക്കണക്കിന് പ്രവാസികൾ അടക്കമുള്ളവർക്ക് ഏറെ അനുഗ്രഹമായി മാറും
