ബംഗളൂരു: ഹ്യൂമൻ മെറ്റാന്യൂമോവൈറസ് (എച്ച്എംപിവി) ഇന്ത്യയിലും സ്ഥിരീകരിച്ചു. ബംഗളൂരുവിലെ എട്ടുമാസം പ്രായമുള്ള കുട്ടിയിലാണ് വൈറസ് സ്ഥിരീകരിച്ചിരിക്കുന്നത്. ബംഗളൂരു ബാപ്റ്റിസ്റ്റ് ആശുപത്രയിലാണ് കേസ് റിപോർട്ട് ചെയ്തത്. 2001ൽ നെതർലാൻഡിൽ പ്രത്യക്ഷപ്പെട്ട ഈ വൈറസ് ഇപ്പോൾ ചൈനയിൽ പടരുകയാണ്. എന്നാൽ, ഇത് മാരകസ്വഭാവമുള്ളതല്ലെന്നും ആശങ്കയുടെ ആവശ്യമില്ലെന്നുമാണ് കേന്ദ്ര ആരോഗ്യ മന്ത്രാലയവും ഡയറക്ട‌റേറ്റ് ജനറൽ ഓഫ് ഹെൽത്ത് സർവീസും അറിയിച്ചിരിക്കുന്നത്. ജലദോഷത്തിന് കാരണമാകുന്ന ഒരു സാധാരണ ശ്വസനപ്രശ്ന‌ം മാത്രമാണിതെന്നാണ് അധികൃതർ വ്യക്തമാക്കിയിട്ടുള്ളത്.
