മലപ്പുറം:മലപ്പുറത്ത് കെ.എസ്.ആർ.ടി.സി ബസിൽ നിന്ന് സ്വർണം നഷ്ടമായെന്ന് പരാതി. തൃശൂരിലെ സ്വർണ വ്യാപാരിയുടെ പക്കലുണ്ടായിരുന്ന ഒരുകോടിയിലധികം രൂപയുടെ സ്വർണമാണ് ബസ് യാത്രക്കിടെ കവർന്നതായി പരാതി. മലപ്പുറം തിരൂരിലെ ജ്വല്ലറിയിൽ കാണിക്കാനായി കൊണ്ട് വന്ന 1512 ഗ്രാം സ്വർണമാണ് കവർന്നത്. ഇന്നലെ (ശനി) രാത്രി പത്തുമണിയോടെയാണ് സംഭവം.
കൂടുതല്‍ വാര്‍ത്തകളും അറിയിപ്പുകളും തത്സമയം അറിയുന്നതിനായി പോപ്പുലര്‍ ന്യൂസ് വാട്ട്‌സാപ്പ് ഗ്രൂപ്പില്‍ അംഗമാകൂ.. Click Here
കുറ്റിപ്പുറത്ത് നിന്ന് നെടുങ്കണ്ടത്തേക്കുള്ള യാത്രക്കിടെയാണ് സ്വർണം നഷ്ടമായത്. ബസ് മലപ്പുറം എടപ്പാളിൽ എത്തിയപ്പോൾ ബസിൽ തൂക്കിയിട്ടിരുന്ന ബാഗ് കാണാതാവുകയായിരുന്നു. തൃശൂർ സ്വദേശി ഗിരിയാണ് പരാതിക്കാരൻ. ചങ്ങരംങ്കുളം പൊലീസ് സംഭവത്തിൽ അന്വേഷണം തുടങ്ങി.
റിപ്പോർട്ട്:-അഷ്റഫ് കളത്തിങ്ങൽ പാറ
