പെരിന്തല്‍മണ്ണ: പ്രഭാത സവാരിക്കിടെ ഓട്ടോയിടിച്ച് പരിക്കേറ്റ് ചികിത്സയിലായിരുന്ന മതപണ്ഡിതനായ പാങില്‍ അബ്ദുറഹ്‌മാന്‍ അല്‍ഖാസിമി പള്ളിപ്പറമ്പ് അന്തരിച്ചു. 74വയസായിരുന്നു. ഖബറടക്കം പോസ്റ്റ്‌മോര്‍ട്ട നടപടികള്‍ക്ക് ശേഷം. വെള്ളിയാഴ്ച രാവിലെ പ്രഭാത സവാരിക്കിടെ പാങ്ങ് പടിഞ്ഞാറ്റുമുറിയില്‍ വെച്ച് ഓട്ടോ ഇടിച്ചായിരുന്നു അപകടം. പ്രഭാത നമസ്‌കാരത്തിന് ശേഷം നടക്കുന്ന പതിവുള്ളയാളായിരുന്നു. പുറകില്‍ നിന്നെത്തിയ ഓട്ടോ നിയന്ത്രണം വിട്ട് ഇദ്ദേഹത്തെ ഇടിക്കുകയായിരുന്നു. റോഡിലേക്ക് വീണതിനെ തുടര്‍ന്ന് തലക്കേറ്റ ഗുരുതര പരിക്കാണ് മരണ കാരണം. പെരിന്തല്‍മണ്ണ ആശുപത്രിയില്‍ ചികിത്സയില്‍ കഴിയവെ ഇന്ന് പുലര്‍ച്ചെയായിരുന്നു മരണം. സമസ്ത സ്ഥാപക നേതാവ് പാങില്‍ അഹമ്മദ്കുട്ടി മുസ്ലിയാരുടെ സഹോദര പുത്രനായ ഇദ്ദേഹം ദീര്‍ഘകാലം ഗള്‍ഫിലായിരുന്നു. വാര്‍ഡ് മുസ്ലിം ലീഗ് പ്രസിഡന്റാണ്. ഭാര്യ: ആദൃശേരി മുഹമ്മദ് മുസ്ലിയാരുടെ മകള്‍ ഹാജ മൂന്ന് മക്കളുമുണ്ട്
കൂടുതല്‍ വാര്‍ത്തകളും അറിയിപ്പുകളും തത്സമയം അറിയുന്നതിനായി പോപ്പുലര്‍ ന്യൂസ് വാട്ട്‌സാപ്പ് ഗ്രൂപ്പില്‍ അംഗമാകൂ.. Click Here
