പിതാവുമായി ഫോണിൽ സംസാരിക്കുന്നതിനിടെ കോട്ടയം സംക്രാന്തി സ്വദേശി സൗദിയിലെ റിയാദിൽ മരിച്ചു. സംക്രാന്തി സജീ മൻസിലിൽ സിദ്ദീഖിന്റെ മകൻ അസിം സിദ്ദീക്ക്(48)ആണ് മരിച്ചത്. നാട്ടിലുള്ള പിതാവിനോട് ഫോണിൽ സംസാരിച്ചുകൊണ്ടിരിക്കെ അസിം സിദ്ദീക്ക് കുഴഞ്ഞുവീഴുകയായിരുന്നു.
റിയാദിലെ സ്വകാര്യ സ്ഥാപനത്തിൽ ജോലി ചെയ്തുവരികയായിരുന്നു. ഭാര്യ- മുമീന. മക്കൾ: അയിഷ, ആലിയാ, ആമിന, ആദിൽ, അബ്രാർ. മയ്യിത്ത് നാട്ടിലെത്തിച്ച് ഖബറടക്കും.
