കൊണ്ടോട്ടി: പൂക്കോട്ടൂർ കുടുംബാരോഗ്യ കേന്ദ്രത്തിലെ ഹെൽത്ത് സൂപ്പർവൈസർ പുളിക്കൽ ഒളവട്ടൂർ സ്വദേശിയായ കക്കോട്ട് പുറത്ത് മുസ്‌തഫ (53) യുടെ മയ്യിത്ത് പുഴയിൽ നിന്ന് കണ്ടെത്തി. ഇന്ന് രാവിലെ നടത്തിയ തെരച്ചിലിൽ കരുവൻതിരുത്തി പെരവൻമാട് ഭാഗത്തുനിന്നാണ് മയ്യിത്ത് കണ്ടെത്തിയത്.
ചൊവ്വാഴ്ച രാവിലെ വീട്ടിൽ നിന്ന് ഇറങ്ങിയതായിരുന്നു. തിരിച്ചെത്താത്തതിനെത്തുടർന്ന് വീട്ടുകാർ കൊണ്ടോട്ടി പൊലീസിൽ പരാതി നൽകിയിരുന്നു. പൊലീസ് അന്വേഷണം നടക്കുന്നതിനിടെ മുസ്‌തഫയുടെ സ്കൂ‌ട്ടറും ചെരുപ്പും ഇന്നലെ രാവിലെ ഫറോക്ക് പഴയ പാലത്തിനു സമീപത്തു നിന്നു കണ്ടെത്തിയിരുന്നു.
സിസിടിവി ദൃശ്യത്തിൽ ഇയാൾ പാലത്തിലൂടെ നടന്ന് പോകുന്നതും കണ്ടു. അതേസമയം തന്നെ ഒരാൾ പുഴയിൽ ചാടിയതായും വിവരം ലഭിച്ചു.തുടർന്ന് ഇന്നലെ തിരച്ചിൽ നടത്തിയെങ്കിലും ഫലം കണ്ടില്ല. ഇന്ന് രാവിലെ തന്നെ പുഴയിൽ തിരച്ചിൽ തുടർന്നു. മയ്യിത്ത് മെഡിക്കൽ കോളജ് ആശുപത്രിയിലേക്കു മാറ്റി.
കൂടുതല്‍ വാര്‍ത്തകളും അറിയിപ്പുകളും തത്സമയം അറിയുന്നതിനായി പോപ്പുലര്‍ ന്യൂസ് വാട്ട്‌സാപ്പ് ഗ്രൂപ്പില്‍ അംഗമാകൂ.. Click Here
