കണ്ണൂർ : വയനാട്‌ ദുരിത ബാധിതർക്ക്‌ വീടൊരുക്കാൻ പതിനഞ്ച് ദിവസം കൊണ്ട്‌ ഡിവൈഎഫ്‌ഐ കണ്ണൂർ ജില്ലാ കമ്മിറ്റി സ്വരൂപിച്ചത്‌ 3,77,12,096 രൂപ. ആക്രി ശേഖരണം, ചായക്കടകളും തട്ടുകടകളും നടത്തി സമാഹരിച്ച തുക, വിവിധ ചലഞ്ചുകൾ, ബസ്സും ഓട്ടോറിക്ഷയും ഓടിച്ച് തൊഴിലാളികൾ നൽകിയ പണം തുടങ്ങിയ വിവധ പ്രവർത്തനങ്ങളിലൂടെയാണ്‌ കണ്ണൂർ ജില്ലാ കമ്മിറ്റി വയനാടിനായി മൂന്നേ മുക്കാൽ കോടിയിലധികം രൂപ കണ്ടെത്തിയത്‌.
കൂടുതല്‍ വാര്‍ത്തകളും അറിയിപ്പുകളും തത്സമയം അറിയുന്നതിനായി പോപ്പുലര്‍ ന്യൂസ് വാട്ട്‌സാപ്പ് ഗ്രൂപ്പില്‍ അംഗമാകൂ.. Click Here
സമാഹരിച്ച തുക ജില്ലാ ഭാരവാഹികൾ സംസ്ഥാന സെക്രട്ടറി വി കെ സനോജ്, പ്രസിഡന്റ് വി വസീഫ് എന്നിവർക്ക് കൈമാറി. പരിപാടിയിൽ ജില്ലാ പ്രസിഡന്റ് മുഹമ്മദ്‌ അഫ്സൽ അധ്യക്ഷനായി. കേന്ദ്ര കമ്മിറ്റി അംഗം എം ഷാജർ, സംസ്ഥാന സെക്രട്ടറിയറ്റംഗം എം വി ഷിമ, ജില്ലാ ട്രഷറർ കെ ജി ദിലീപ്, സംസ്ഥാന കമ്മിറ്റി അംഗം പി പി അനിഷ എന്നിവർ സംസാരിച്ചു. സെക്രട്ടറി സരിൻ ശശി ചടങ്ങിന്‌ സ്വാഗതം പറഞ്ഞു.
