അപ്രതീക്ഷിത മലവെള്ളപ്പാച്ചിൽ; നിലമ്പൂർ ആഢ്യൻപാറയിൽ കുടുങ്ങിയ വിദ്യാർഥികളെ രക്ഷപ്പെടുത്തി

• 

  Admin 2 / 2 years
• 0
• 1 min read

നിലമ്പൂർ: കനത്ത മഴയെ തുടർന്ന് നിലമ്പൂർ ആഢ്യൻപാറ പുഴയ്ക്ക് അക്കരെ കുടുങ്ങിയ മൂന്ന് വിദ്യാർഥികളെ രക്ഷപ്പെടുത്തി. രാത്രി 8.30-ഓടെയാണ് ഇവരെ ഇക്കരെയെത്തിച്ചത്. മാർത്തോമ കോളേജിൽനിന്ന് വെള്ളച്ചാട്ടം കാണാനെത്തിയ ആറംഗ സംഘത്തിലെ മൂന്ന് പേരായിരുന്നു പുഴയ്ക്ക് അക്കരെ അകപ്പെട്ടത്. വെള്ളിയാഴ്ച രാവിലെയാണ് ഇവർ സംഘംചേർന്ന് വെള്ളച്ചാട്ടം കാണാനെത്തിയത്. പിന്നീട്, അപ്രതീക്ഷിതമായുണ്ടായ മലവെള്ളപ്പാച്ചിലിൽ മൂന്ന് പേർ പുഴയുടെ അക്കരെ കുടുങ്ങുകയായിരുന്നു. വൈകീട്ട് 6.30-ഓടെ അഗ്നിരക്ഷാസേന സ്ഥലത്തെത്തി രക്ഷാപ്രവർത്തനം ആരംഭിച്ചു. തുടർന്ന്, രണ്ട് മണിക്കൂർ നേരത്തെ ശ്രമങ്ങൾക്കൊടുവിലാണ് വിദ്യാർഥികളെ രക്ഷിച്ചത്.