മലപ്പുറം  യുവതിയെ പിന്തുടർന്ന് വീട്ടിൽക്കയറി സ്വർണം കവർന്ന യുവാവ് പിടിയിൽ

• 

  Admin 2 / 1 year
• 0
• 0 min read

കൊണ്ടോട്ടി: യുവതിയെ പിന്തുടർന്ന് വീട്ടിലെത്തി ഒമ്പത് പവൻ സ്വർണം മോഷ്ടിച്ച യുവാവ് പിടിയിൽ. പരതക്കാട് മുതുപറമ്പ് വെട്ടിച്ചാലിൽ കെ.വി. മുഹമ്മദ് ഫവാസ് (24) ആണ് പിടിയിലായത്. കഴിഞ്ഞ ചൊവ്വാഴ്‌ച വൈകീട്ട് സ്‌കൂട്ടറിൽ വീട്ടിലേക്ക് പോകുകയായിരുന്ന പുളിക്കൽ സ്വദേശി മനീഷ പർവീണിനെ ബൈക്കിൽ പിന്തുടർന്നാണ് ഫവാസ് വീട്ടിലെത്തിയത്. യുവതിയെ ആക്രമിച്ച് സ്വർണാഭരണങ്ങൾ കവർന്ന് രക്ഷപ്പെടുകയായിരുന്നു. കൊണ്ടോട്ടി പോലീസ് അന്വേഷണം നടത്തുന്നതിനിടെ മറ്റൊരു മോഷണക്കേസിൽ കോടഞ്ചേരി പോലീസ് ഫവാസിനെ അറസ്റ്റ് ചെയ്യുകയായിരുന്നു. സി.സി.ടി.വി. ദൃശ്യങ്ങളിൽ ബൈക്ക് കണ്ടെത്തിയാണ് ഫവാസിനെ തിരിച്ചറിഞ്ഞത്.