കുവൈത്ത്: കുവൈത്തിലെ അബ്ബാസിയയിലെ താമസ സ്ഥലത്തുണ്ടായ തീപിടുത്തത്തില് നാലംഗ മലയാളി കുടുംബം ശ്വാസംമുട്ടി മരിച്ചു. ആലപ്പുഴ നീരേറ്റുപുറം സ്വദേശികളായ മാത്യൂസ് മുളക്കല്, ഭാര്യ ലിനി ഏബ്രഹാം ഇവരുടെ രണ്ടു മക്കള് എന്നിവരാണ് ദുരന്തത്തിനിരയായത്.
നാട്ടില് നിന്ന് ഇന്നലെ വൈകിട്ട് നാലു മണിയോടെയാണ് ഇവര് കുവൈത്തില് തിരിച്ചെത്തിയത്. എട്ടുമണിയോടെയാണ് രണ്ടാം നിലയിലെ ഇവരുടെ ഫ്ളാറ്റില് തീപിടുത്തമുണ്ടായതെന്നാണ് വിവരം. ഷോര്ട് സര്ക്യൂട്ടാണ് തീപിടുത്തത്തിന് കാരണമെന്ന് കരുതുന്നു. മലയാളികള് തിങ്ങിപ്പാര്ക്കുന്ന മേഖലയാണിത്.
